Izinto impilo esijikijela ngazo kwesinye isikhathi  zingaba ngezesabekayo .Kwezinye  izikhathi kubukeka zisivoshozela phansi .Noma kube yikuphi .Kodwa esikudingayo hle hle ngukuthula .Manje inkinga ukutholaphi lokho ?

Uma izimo zempilo  zihlasela ngqo umnkantsha kuwe ,kuye kubukeke kungenakwenzeka ukuthola ukuthula .Ungaba nokuthula kanjani uma ezezimali zakho  zibhidlika ,ezikhathini zokuklayeka komshado wakho ,ebuhlungwini bengane ehluphayo ,isimo sezempilo esiyisimbelambela esibuhlungu ?

Imvama siye silokhu sicabanga ngokuphindelela ,siguquguquka embhedeni sibuyisa lenkinga engqondweni .Ungangitshela ukuthi lokho kukusebenzele kanjani ?

Nansi indlela kaNkulunkulu ,iqiniso lakhe ,ukuthula kwakhe :

Ihubo  46:1-3,10 UNkulunkulu uyisiphephelo sethu namandla ethu ;ufunyaniswa elusizo impela ekuhluphekeni.Ngakho-ke asiyikwesaba noma kuguquka umhlaba ,nezintaba zidilika ekujuleni kolwandle ,nokuba amaza alo ehlokoma ,ekhephuza nezintaba zizamazama  ngokukhukhumala kwalo .

Thulani niqonde ukuthi  mina nginguNkulunkulu ;ngiyakuphakama phakathi kwabezizwe ,ngiphakame emhlabeni .

Kuguquka umhlaba ,izintaba ziwela olwandle ,amaze olwandle ehlokoma ,nezintaba zizamazama  lo osathi ubeke khona unyawo .Isisombululo salokho awusitholi kwi-internet .Lutho sanhlobo!

Indawo mina nawe esidinga  ukuba kuyona ,indawo yokuthula ayikho ekubalekeleni lezozimo ,kodwa khona kanye lapho ,esivunguvungwini uqobo .Ngoba yilapho akhona khona naye uNkulunkulu .

Thulani niqonde ukuthi  mina nginguNkulunkulu ;ngiyakuphakama phakathi kwabezizwe ,ngiphakame emhlabeni !

Yilo kanye iZwi likaNkulunkulu leli … Eliza kuwe li-Fresh namhlanje.