Esikhathini lakhona senza iphutha [phela kakade ngubani ongalenzi iphutha !?] siba nama choice amabili.Kungaba ngukuthi sikhalakathela kulo noma sifunda okuthile ngalo.Singalisebenzisa njengestebhisi  sokukwazi ukugibela uma sehlelwa yiphutha elifanayo kokuzayo  kumbe senze lokhu engikubiza ngokubheka phezulu ngalo .Yikuphi okuzoba yikho esikukhethayo la?

Sonke siyawazi umuzwa omnandi wokuvuka ugcwele ukuthi woow wusuku olusha namhlanje .Kuthi kusenjalo,sivese sikhumbule  lela phutha elingubadlabha esilenzile .Okungaba ngukuthi sehluleke kanjani ukuhambisana noNkulunkulu.Usizi oluba lapho lufana ncimishi nommese ongena enhliziyweni.

Umbuzo uthi ,wenzenjani ngalolohlobo lokudabuka?  Kunezindlela eziningi zokubhekana nalo. Kuphetha kubukeka ukuthi enye yazo inhle ,enye yimbi kakhulu .Enye yazo ingaba nomphumela omuhle empilweni yakho ,enye cha ngeke ube muhle.Ake ulalele indlela uNkulunkulu akubeka ngayo esebenzisa uMphostoli uPhawuli :

2 KwabaseKhorinte  7:10 Ngokuba ukudabuka okuya ngokukaNkulunkulu kuveza ukuphenduka angezisole ngakho umuntu, kube ngukusindiswa, kepha ukudabuka okuya ngokwezwe kuveza ukufa.

Ake siqale sikhulume ngalokhu kudabuka okungekuhle kuqala,lokhu izwe elinakho,lokhu okuholela ekufeni.Imvamisa uma abantu ,bezifaka kukho  kubaholela  ekukhalakatheni  otweni ,kuletha  inkambiso engeyinhle ,umuzwa wokuzibuza ekaze uyinhlwa yini kanti kwamhlaba,kuletha ukuphonsa ithawula.

Kodwa uhlobo lokudabuka uNkulunkulu afuna sibe nakho ,yiloku okusiholela ekuguquleni izimpilo zethu.Kuwukuzisola ,okuholela ekuphendukeni  – ngokuyikho  futhi okuphathekayo ,ukuguqula izimpilo zethu ,zidede kwebesikwenza  okungakuhle ,qede sibuyele kuNkulunkulu.

Uhlobo lokudabuka uNkulunkulu alufunayo lwenza abantu banqume ukuguqula izimpilo zabo .Lokhu okubaholela ensindisweni ,futhi asisoze sazisola kulokho . Yilona kanye iZwi likaNkulunkulu leli … Eliza kuwe li-Fresh namhlanje..