Ngiye ngizwe isililo nobuhlungu ngepolitiki yokuzibona ungcono kubantwana bakaNkulunkulu .Hhayi ngoba mina ngingenawo umbono wami wepolitiki yezenkolo ,yingoba kuyezwela kimi uma kungukuthi lokhu kwehluka kwemibono kwamaKhrestu yiyona ncazo yokuqala le azichaza ngayo ,esikhundleni sobudlelwane bawo noJesu . 

Lokhu ukubona zikhathi zonke ,awukuboni? Abangapha belwa nabangale .Abavumelana nomgomo wesifo nabangavumelani nayo,abalwela ilungelo lokuphila nabathi umuntu angazihushulela ngokuthanda .Futhi nebala lokho kuyinto  ongayilindela lakhona isono siphethe ngamandla .Kodwa qha lokhu awukulindeli kubantu bakaNkulunkulu ,la khona okufanele  njengokusho kukaJesu sigqame ngokokuthi sithandana kangakanani .

Nokho othola ukuthi kwingxenye enye kunabaphahlaza bashaye kwasani abangenamusa noma bakushiye unjani  ,ngoba kubo okusemqoka bakuphahlaza ngeqiniso .

Ebese kuthi kulolu olunye uhlangothi kuzaleke umusa ongenaqiniso  ,kube ngukuthi ‘kuzwakala kumnandi ukuyenza lento’ ,lomuzwa ogcina uholele abantu kwingunaphakade elingenaKhrestu  .

Yeka incithakalo nemfuthumfuthu iBandla likaNkulunkulu eliphila kuyo ,okubukeka engekho onamandla  okuliphulukisa kuyo  .Ngena Jesu   :

NgokukaJohane  1:14,16,17  ULizwi waba yinyama, wakha phakathi kwethu, sabona inkazimulo yakhe,

inkazimulo njengeyozelwe yedwa kuYise, egcwele umusa neqiniso. …..  Ngokuba ekugcwaleni kwakhe samukele sonke umusa phezu komusa. Ngokuba umthetho wanikezwa ngoMose, umusa neqiniso kwavela ngoJesu Kristu.

Uyibambile leyo ? UJesu ugcwele umusa neqiniso. Futhi yilokho kanye mina nawe esibizelwe kukhona hhayi ukunqakisana ngepolitiki yezenkolo yokubuka ngokuhlukana entweni emelwe ukuba yodwa ingabi nazinhlangothi .Ngakube kulula ukugcwala umusa nokuba neqiniso sikhathi sinye ? Lutho sanhlobo !! Yingakho sonke ngabanye siyamdinga uJesu ukuze sigcwale umusa neqiniso .

Yilona kanye iZwi likaNkulunkulu leli … Eliza kuwe li-Fresh namhlanje..